袁偉豪張振朗玩HeHe　即興合唱《甜蜜蜜》

藝人袁偉豪（Ben）與張振朗在節目《歐洲鐵騎遊》最新一集中開着鐵騎由意大利穿越奧地利到達德國，出發時，振朗坐在Ben車尾大晒「HeHe情」，更一時興起合唱《甜蜜蜜》，場面搞笑！到達德國後，他們在當地無限速公路體驗「極速傳說」，Ben更加速到187km/h，惟即將做爸爸的Ben在激情過後卻感到自責，他說：「我行完呢個速度之後，覺得有少少對唔住屋企人，如果發生咗咩事，我絕對可能會粉身碎骨，覺得自己好任性。」而在行程尾聲，兩人講到簽約問題時，Ben坦言：「佢畀10年合約你，梗係簽啦，佢畀人工你，你養到屋企，養到自己！」不過近年升呢一線小生的振朗則反駁：「幾年前我都覺得養到屋企，但我發覺依家物價上漲，做一套劇嘅主角要萬歲、包底、又要裝身，原來嗰時簽嘅錢係唔夠㗎喎！」