陳凱琳單拖去意大利　疑真空大解放極誘人

前港姐冠軍陳凱琳（Grace）近年轉型做KOL，形象健康，大受各大品牌歡迎，密密吸金！佢日前就應邀去意大利米蘭出席活動，難得撇下老公鄭嘉穎同3個兒子，佢心情興奮，寓工作於娛樂，趁有時間就周圍行吓，四出搵嘢食，影咗唔少靚相，仲大晒性感造型派福利添！

以一身紫色造型示人嘅佢，着上胸前開窿嘅絲質晚裝，配紫色絲襪，疑似真空大解放，火辣身材若隱若現，非常吸睛！網民都睇到嘩嘩聲，仲話佢「老公不就在作反？」不過鄭嘉穎都有畀Like，所以應該冇詐型嘅！