湯漢斯被AI假冒出廣告　提醒網友小心受騙

人工智能（AI）發展迅速，現在可以重現製作名人的樣子，幾可亂真。美國男星湯漢斯（Tom Hanks）日前於社交網站提醒網友，指最近有人在未經授權下，以AI借用其肖像賣廣告：「注意！！依家網上有一條影片宣傳一啲牙醫保健計劃，用咗一個AI版本嘅我。我同呢個廣告完全無關。」他並上載該廣告的截圖，可見「AI湯漢斯」活像較年青時期的他。

湯漢斯以往受訪時，亦談到自己早就預計AI造假的可能性，他最早將其大量肖像數據輸入電腦拍攝的電影，是2004年的電腦動畫《北極快車》（The Polar Express）：「我哋已經預計到會發生，我哋知道可以將電腦入面嘅零同一化成一個臉孔同角色。依家個技術進化咗十億倍，我哋周圍都可以見到。」他指荷里活的演員合約中，應該加入保障演員肖像知識產權的條款。