郭可盈晒一家人合照　13歲囡囡愈大愈靚女

前港姐郭可盈與林文龍於2004年結婚，育有一女林天若（Tania），今年已經13歲嘅Tania遺傳咗父母優良基因，愈大愈靚女。一家人經常趁假期出游，郭可盈亦會在社交平台大方分享靚相。

早前佢就分享了一家人去日本旅行嘅相，全家人穿上傳統服飾去到景點打卡，保養得宜嘅佢，完全看不出真實年齡，兩母女好似姊妹，Tania仲同媽媽大擺甫士，場面認真溫馨。不過遺傳靚靚基因嘅Tania，同媽媽一樣都擁有一雙長腿，再加上精緻五官，一家三口顏值爆晒燈。