丁子田做富二代少奶奶威盡　意大利「古堡」宴會場玩煙花

2018年港姐季軍丁子田於意大利嫁畀有「頂級時尚富豪家族貴公子」之稱嘅集團太子爺吳杰龍（Paul），正式踏入豪門做少奶奶，依家二人絕美婚照曝光，只見丁子田佛羅倫斯嫁人嫁得豪，佢亦唔介意晒出大露背，氣質同以前選港姐時唔同晒。

二人選址佛羅倫斯科拉別墅酒店（Villa Cora）影婚照，丁子田以長袖Lace拖尾婚紗挽起髮髻，大晒白滑美背，仙氣十足，又喺親友見證下宣誓成為人妻。晚上佢換上金色低胸晚禮服，同老公喺似足「古堡」嘅宴會場地共舞，更喺煙花陪襯下切四層蛋糕，成個婚禮豪氣又浪漫，夠晒童話Feel。