齊秦同細24歲嫩妻互動曝光　手上大粒鑽戒勁搶Fo

憑一曲《大約在冬季》爆紅嘅63歲台灣歌手齊秦，叱咤華語樂壇多年嘅佢，近年轉戰內地發展密密搵真金，事業再創高峰之餘，更喺2010年同細24歲嘅老婆孫麗雅喺美國結婚，並育有一對子女，認真事業、愛情兩得意。

齊秦原本同歌手前妻育有一子，後因出演電影《芳草碧連天》同王祖賢擦出愛火，令方美芳嬲到出面指控齊秦對佢母子不聞不問，而得悉真相嘅王祖賢亦因此提出分手，之後齊秦專注事業發展，直至後來遇上細佢24歲嘅嬌妻孫麗雅，並喺2010年於美國登記結婚，而隔年50歲嘅齊秦仲同26歲嘅嬌妻喜迎愛女，之後更於2014年喺台灣生埋仔，湊成一個「好」字，如今結婚13年嘅夫妻二人，依然愛得甜蜜外，仲畀內地網友晒出夫妻二人嘅甜蜜互動，而老婆手上嘅大粒鑽戒，亦相當搶Fo。

據悉，齊秦老婆孫麗雅係四川成都人，家境富裕外仲曾經係一名歌手，而結婚後則專心相夫教子兼幫齊秦打理公司事務，相當賢良淑德。