Yuri身份被詐騙盜用賣肉　對方專揀呢類人落手！

台灣「樂天女孩」成員Yuri（陳怡叡）樣靚身材正外，氣質亦相當出眾，喺社交網上人氣亦高踞不下。可惜，人紅難免容易畀是非纏身，日前Yuri亦喺社交網透露自己身份畀不法分子盜用行騙外，對方竟然仲聯絡埋佢身邊嘅工作人員，搞到Yuri都忍唔住呻道：「我甚至自己都沒有（工作人員）欸！」認真慘慘豬。

Yuri日前喺社交網晒出一張截圖，透露最近有詐騙集團盜用佢身份，並呼籲廣大粉絲切勿受騙：「我不可能主動加任何人的社交網！跟用小帳私訊任何人聊天！這不是我！」點知澄清貼文出完冇耐，Yuri竟然收到5個男性工作人員向佢檢舉遇上騙徒，令Yuri忍唔住呻：「為甚麼這個騙子都有工作人員的聯絡方法呀？我甚至自己都沒有欸！」詐騙猖狂之餘，認真防不勝防。