謝安琪新片演而優則唱　私心揀自家作品硬銷

藝人謝安琪（Kay）近期密鑼緊鼓為電影《4拍4家族》宣傳，繼上月中出席昂坪市集舉行的宣傳活動後，日前再夥拍戲中另一演員張進翹（Manson）在昂坪360舉辦一場「Rock in the Sky」演唱會，席間二人獻唱兩首電影宣傳歌，包括片尾曲《rain or shine》及Kay親自作曲的《Lost and Found》，為粉絲送上驚喜禮物。

Manson謂：「呢首歌係講勇氣，尤其係面對自己追夢時嘅失望、創傷，rain or shine嘅意思係無論晴天或雨天，只要想做就放膽去做，就好似Cat（Kay戲中角色）一直追逐夢想咁。」Kay於戲中除了擔當女主角，亦演唱多首宣傳曲，被問到最喜歡的歌曲，她私心地選自己作曲的《Lost and Found》：「呢首歌係我特別為戲入面好重要嘅一幕寫，場戲係講Cat被好信任嘅朋友、夥伴離棄，從來都只得佢一個傻傻哋追尋夢想，一個人孤獨地自彈自場呢首歌。加上Cat呢個角色家庭背景都係好孤獨，所以我寫嘅時候都將自己最孤獨嗰面攞出嚟，依家諗番起嗰場戲都好想喊。」