一簽豆花妹即出事　炎亞綸復出進度首曝光

台灣藝人炎亞綸今年6月陷「#Metoo」性醜聞風波，事業無限期押後，同時亦有涉性侵官非喺身，不過佢就被發現「潛水」期間出席朋友生日聚會，大唱High歌玩到盡，心情似乎未有影響。炎亞綸喺出事前兩個星期，剛剛簽咗台灣「國民女神」蔡黃汝（豆花妹）做旗下藝人，今日（5日）豆花妹拍攝節目時獲台媒探班，佢就多口曝光老闆近況。

被問及炎亞綸參加聚會一事，佢就坦言唔知情，對於老闆的現階段近況，佢指二人仍持續都有聯繫：「一樣很好，很健康。他本來心態就蠻健康，我覺得大家都會難免擔心，可是我覺得，他自己可能知道大家都還蠻陪在他身邊，多支持他的。」被問及炎亞綸是否會再度復出？豆花妹則表示：「這個我沒有特別聊到。」幫老闆幫到盡。