Baby睇「19禁」騷疑遭封殺　官方出手洗白：她沒有來！

女星Angelababy（楊穎）日前於巴黎觀賞女團BLACK PINK成員Lisa演出嘅「19禁」歌舞騷，惹起爭議，仲畀網民鬧佢身為公眾人物要擔起引導作用，呼籲要封殺佢，甚至嗌佢退出娛樂圈！連日嚟Baby都冇作出回應，點知今日（5日）嚟個「大反轉」，「19禁」歌舞騷於官方社交網發文為Baby澄清，指佢當日根本冇去現場睇騷，仲喺一段「網傳的Angelababy沒有來」發文下留言：「We are looking forward to welcome Angelababy sometime！（我們期待有一日Angelababy會來睇騷！）」

但有網民指呢個所謂官方賬號係由舞者打理，同官方無關，有唔少網民就留言話當日係的確有去睇騷，仲大晒Baby當日上車時，身邊工作人員手持「19禁」騷嘅宣傳單張，力證當日佢有現場喎，而網民亦紛紛認為呢個官方回應只係公關手段，簡直係火上澆油呀：「笑死我了，此地無銀三百兩」。