離婚案續審︱錢慧儀斥馬清揚講假話：希望佢唔好中傷我

前港姐錢慧儀（Winnie ）與名人老公馬清揚早前宣布離婚，其相關婚姻訴訟今日（5日）於灣仔家事法庭續審。約早上9時40分，Winnie乘座7人車抵達灣仔法院，她再次否認老公馬清揚早前對她的指控，包括濫藥及精神出現問題等，她説：「希望佢唔好再喺其他地方中傷我，我自己都唔想講太多，但因為佢發聲，所以我都要回應返，佢有啲嘢講唔啱同講假話。（話你精神有問題同濫藥？）梗係唔係啦！佢特登咁樣講，令人覺得係我唔好。」她指對方若一開始就信守承諾，包括繳付訴訟開支及支付其生活費，今日也不用將事情搬到家事法庭處理，問到對案件信心？她表示：「應該OK嘅。」至於馬清揚則約於早上9時45分抵達法院，並對記者表示心情正常。

法庭於早上10時繼續審理案件，控辯雙方律師先後向馬清揚進行盤問，其間多次就法律觀點問題需要休庭商議。最終裁判官宣布將案件押後至本月16日上午繼續進行審理。Winnie於離開法院時，表示希望案件能早日完結。