陳家樂新片遭連摑數十巴：佢手臂粗過我大髀

由黃宗澤、張繼聰、陳家樂等主演的英皇電影《紮職2》日前上映，當中有一場戲份是陳家樂被一位江湖大佬連摑十巴，家樂指知道需要演這場戲時不太擔心，直至他知道誰人飾演這名江湖大佬後便開始有點緊張：「係我哋一位武術指導German（張文傑）飾演，佢淨係手臂都粗過我大髀。」他指最初以借位拍攝，但因大家都覺得不夠震撼，最後便來個真打，導演更提議：「不如打多幾巴啦，等嗰個力再多啲。」最後共拍了五Take，結果被摑了差不多50巴的家樂面頰又紅又腫：「塊面係腫咗、紅晒，因為German真係好出力，好彩現場都有工作人員俾啲冰、冰凍嘅嘢飲我敷塊面，等我快啲消腫，Ok嘅，最緊要出嚟效果大家覺得逼真。」