《驅魔人:信仰者》首集女星愛倫般絲頓回歸 演出條件另類
2023年10月07日 00:01
東網電視
更多新聞短片
![](/hk/bkn/cnt/entertainment/20231007/photo/bkn-20231007000123864-1007_00862_001_01p.jpg?20231013152408)
近年將70年代經典殺人魔恐怖片《月光光心慌慌》(Halloween)系列,重新製作新三部曲的美國導演David Gordon Green,再重施故技,今次目標是另一經典靈異恐怖片《驅魔人》,執導新三部曲的首作《驅魔人:信仰者》(The Exorcist: Believer)。《驅魔人:信仰者》作為系列第6集,但故事上忽略前4集,直接當成1973年首集的續作。首集中女兒被邪靈上身的母親角色相隔50年回歸,同樣由美國女星愛倫般絲頓(Ellen Burstyn)飾演,今次她要幫助另外兩個有類似經歷的家庭,拯救他們被邪靈上身的女兒。
愛倫多年來都推辭參演《驅魔人》續集,她受訪時解釋為何今次經過50年後答應回歸:「我推過好多《驅魔人2》嘅版本,我每次都拒絕。今次電影公司開咗個好高嘅價畀我,我都仲係拒絕。之後佢哋出乎意料哋,開雙倍價錢畀我。我話,OK畀我考慮吓。呢個真係好大筆錢,我要諗諗。跟住我就諗,呢個好似係魔鬼要問我個價咁。之後我再諗,我個價係佩斯大學碩士演藝課程嘅獎學金計劃,去幫啲有才華嘅學生。呢個就係我要求。我大返佢哋轉頭,最後得償所願。我依家幫到啲年青演員攞到個獎學金計劃。」