小犬打到嚟︱炎明熹處女個唱添變數　本尊：近日不斷發噩夢！

強颱風小犬打到嚟，天文台最新消息表示三號強風信號至少維持至明早（8日）6時。適逢炎明熹(Gigi）今日（7日）和明天在九展舉行首個個人演唱會《炎明熹Gi-FORCE》，處女唱會否受颱風影響亦是未知之數，但她開騷前心情似乎未受影響，更開LIVE與「GI炎粉」（粉絲暱稱傾偈。

「GI炎粉」為力撐偶像，早已準備大量食物飲品慰勞台前幕後工作人員，而Gigi在昨晚（6日）突然開直播，邊食牛腩瀨粉邊與粉絲傾偈，笑晒口說：「打風又有咩好怕喎！」又指父母及弟妹將會齊齊來港撐場，不過她亦坦言近日不斷發噩夢，瞓醒眼角都有流下淚痕。