你好，我的大夫︱孔德贤离世　蔡思贝送别笑中有泪

艺人孔德贤于无綫剧集《你好，我的大夫》演Ed师兄，最新剧情讲述他不敌病魔离世，网民即纷纷留言表达不舍，而剧中蔡思贝与陈嘉慧等人以开心送别孔德贤戏份，二人笑脸跌出泪水的表情，更令场口揪心指数飙升。

孔德贤受访时亦直指相关场口十分难忘，他说：“拍嗰日咁啱系中医诊所个景最后一日，我哋喺嗰个厂Stay咗成个月，大家都唔舍得个环境，加上又好投入大家之间嘅关系，所以拍到一半都未入戏肉，大家都已经眼湿湿想喊，我自己都激动到要匿埋喺针灸室消化咗成个钟，全程强忍住泪水，亦唔畀自己见到佢哋，因为一见到就会好崩溃，而我亦知道一喊出嚟就收唔到声。”更指于虚弱卧病在床一幕亦很难忘，皆因投入了120%真实感情：“我问自己如果真系离开呢个世界嘅话，屋企人会点，然后我就忍唔住真系喊咗出嚟。嗰日我真系好感动同伤感，我拍戏咁耐未试过用咁真挚嘅情感拍，嗰场戏最终一Take过完成，既开心又难忘。”

谈到角色入屋，他坦言感恩：“我做演员有个目标，就系希望做嘅戏可以感动到人，好感恩呢套剧好有发挥，我成套剧亦系本住‘以生命影响生命’呢个核心思想演出。呢个角色同我自己都有啲相似，因为我本身都系好锺意凼身边人开心。”