Lisa為藝術犧牲跳艷舞　無綫眾女星演出尺度直逼AV

韓國人氣女團BLACKPINK成員Lisa最近瞓身演出巴黎「19禁」艷舞騷，引起極大回響！有人爆料Lisa除淨內衣加丁字褲，當中3場仲係勁秘密非公開演出，大家都估緊佢尺度幾大會唔會露點演出！其實藝人為藝術而犧牲真係好值得尊重，一班TVB女藝人都有過超尺度性感演出即刻去片睇！

港姐冠軍馮盈盈喺《解決師》同張頴康浴室「埋牙」畫面極香艷，盈盈濕身誘惑透出內衣不特止，仲被張頴康啜耳仔兼伸手入衫狂摸，尺度大到有網民話以為睇緊AV！呢次係盈盈第一次拍激情戲，仲有傳呢場戲係佢同醫生男朋友分手嘅導火線，拍戲拍到另一半都冇埋咪話唔大犧牲！

陳敏之喺《溏心風暴3》做小三去到勁盡，不停用身體誘惑人夫唐文龍，喺酒店床上被除bra再去浴室濕身激咀，連敏之都話係從演以嚟最激一次，仲大爆自己嗰陣生完冇耐，好驚拍拍吓「漏奶」！唔止床戲尺度大到觀眾嘩嘩聲，其中一幕敏之仲捉實唐文龍隻手摸自己胸！