捲性醜聞風波！炎亞綸改名轉運　為復出鋪路

台灣藝人炎亞綸今年6月捲性醜聞風波，被前男友指控其喺自己未成年時期偷拍性愛片兼讓片段喺網上流出，佢嘅演藝事業因此受到重創，各個品牌代言及綜藝節目都紛紛與其割席，之前獲得十大傑出青年嘅殊榮亦被撤銷。

據悉，已經神隱3個月嘅佢，爲咗可以重新回歸娛樂圈，到處求神問卜。除咗尋求心靈成長組織自我療愈，仲喺朋友嘅介紹下，搵咗2位命理老師幫佢改名，各為佢取咗吳珞嘉及吳秉儒兩個名字，希望藉此消災解難，轉化性格。另外，亦有傳佢私下不斷嘗試聯繫前男友耀樂，想要當面向佢道歉尋求原諒，但可惜對方一直唔願意再同佢有任何接觸及交流。

事件發生後，佢曾被影到低調現身一場中元普度活動，今個月更流出佢參加朋友生日聚會嘅影片，不過佢心情似乎並未受到影響，喺聚會中投入高歌。