蘇韻姿「回家」嘆陌生：要接受身邊事物不斷變！

憑處境劇《愛．回家之開心速遞》入屋的藝人蘇韻姿（Andrea）因為疫情，早前返回熟悉又變得陌生的出生地方加拿大探親，與家人團圓自然相當開心，但感慨原本熟悉的地方已經改變不少，她說：「4年嚟加拿大有好多好熟悉嘅地方唔同，多咗多新商場、餐廳，依家變咗要屋企人帶我周圍去，有啲唔知點咁，因為呢個係我長大地方，但依家又變到好似唔係咁熟悉，有少少陌生咁，呢種遺和感可能都係成長過程，要接受身邊事物不斷變，要珍惜當下。」

Andrea今次返加拿大與不少好友敍舊，還約埋好朋友一齊去尋刺激，她說：「自己好鍾意玩過山車，香港嗰啲都唔夠刺激，所以好掛住加拿大遊樂場嗰啲過山車刺激感覺，同best friend一齊去玩，已經10幾年冇玩過，搵番童年回憶。」