賈曉晨深夜甫相又抱怨老公：冇一張用得！

藝人賈曉晨（JJ）2016年下嫁樊少皇至今，育有兩個得意囡囡，專心相夫教女嘅佢，甚少現身幕身。雖然JJ淡出娛圈多年，不過經常喺社交網分享生活點滴，同粉絲互動嘅佢，亦不時會透過社交網呻老公，繼早前自爆老公成日因小事激到佢嘔血，搞到佢日日都想殺夫101次後，日前JJ又再呻老公影相技術差，影嚟影去都冇一張令佢滿意，搞到成日剩係可以喺社交網分享自拍相。

日前，JJ喺社交網晒出一張側拍嘅個人相，雖然靚人襯靚景都美不勝收，不過最令JJ不滿嘅係張相竟然冇對焦外，相中JJ嘅眼睛仲要係半閉合狀態，望落認真眼冤呀！而JJ亦寫道：「話說有個不會拍照的老公（男友）的苦，我懂！不是翻白眼，就是照片是糊的，沒一張能用，難得他在旁邊，又能抽幾分鐘不帶孩子，想拍張照時結果就是這樣，知道為啥我只能自拍了吧。」雖然望落搞笑，不過都有唔少網友幫樊少皇氹老婆，揚言照片雖然有啲矇查查，但都難掩JJ嘅動人風采。