李元元額頭受傷火速復元　扭Pat Pat跳舞報平安

藝人李璨琛大女李元元（Lucy）打風日發生家居意外，頭撞凹了實木櫃，額頭留下血㾗，令人擔心，幸好元元是開心果，受傷第日已經回復精神，仲會跳番part舞，扭動pat pat不知幾生猛，Lucy媽媽Sophia上載跳舞片說：「多謝各界好友嘅關心，條友仔真係冇事，你哋睇吓覺得佢有冇事？」

而Lucy妹妹李斐斐（Sucy）亦愈大愈可愛，媽媽替阿妹戴了假髮扮靚靚，Lucy的評語是：「媽媽，其實我覺得妹妹帶呢個假髮唔係幾好睇，佢戴咗個樣好似個阿姨。」媽媽笑稱家姐應該覺得阿妹似「阿嬋」或者師奶，不過媽媽就覺得Sucy不知幾可愛。