Patrick Sir愛犬死得不明不白　擬採取法律行動討回公道

藝人林溥來（Patrick Sir）與太太關宛珊（Kimmy）的愛犬DonDon現年14歲，但早前卻不幸身亡，兩人今晚（14日）接受無綫綜藝節目《東張西望》訪問時聲淚俱下表示愛犬死得不明不白，揚言要找出真相，對愛犬有個交代，兩人指愛犬之前入住寵物酒店7日後突然後肢癱瘓，經手術後不治身亡。

Patrick Sir憶述：「由狗酒店接佢嘅時候，將佢放喺地下，佢嘅後腳已經係企唔到，坐喺度同哀號，當時我未識驚，我仲深信佢係咪太緊張，跟住帶佢返咗屋企，佢唔飲唔食，凌晨時大聲慘叫，我哋帶佢睇急症，照咗X光，醫生話五級癱嘅話佢係接近五級，經診斷係椎間盤突出，雖然手術有風險，但醫生認為手術係唯一出路。手術係成功嘅，醫生話發現椎間盤突出附近嘅肌肉見到好明顯紅腫，唔係慢性，係近期同大力重擊先導致。」雖然手術成功，但相隔不久，DonDon病情惡化，最後離死，兩人深感愧疚，並打算採取法律行動，尋回真相及公道。