關曉彤結婚了　新郎竟然唔係男友鹿晗？

內地上位小花關曉彤同頂流男友鹿晗拍拖7年，網友每年都會向二人催婚，上月關曉彤晒自拍時，就意外晒出戴咗戒指嘅右手中指，即令人聯想到佢同鹿晗似乎已經訂婚！到咗今日（16日），關曉彤工作室晒出一輯關曉彤着上民國婚禮造型嘅靚相，轉頭又換上中式旗袍化身千金佳麗，講到明關曉彤出嫁。

不過望真啲，關曉彤嫁人，新郎竟然唔係鹿晗，而係內地型男演員韓東君，原來佢一系列婚照，都只係近代諜戰題材電視劇《梅花紅桃》嘅劇照，所以佢先會以一身民國婚紗Look上陣。一班粉絲讚完佢靚，都繼續留言嗌佢同鹿晗早日拉埋天窗，唔好再拖。