唐詩詠搬入月租6萬元北角豪宅：我都有儲錢

視后唐詩詠着桃紅色開胸連身裙偕影后毛舜筠（毛毛）以醫美代言人身份出席活動，詩詠對於被拍得搬入月租6萬的北角豪宅，她表示得不願多談，只說搬屋為方便同住的爸爸：「想住近啲哥哥，方便爸爸湊孫，（離開無綫愈住愈豪？）我都做咗咁多年嘢，都有儲錢，想做自己鍾意嘅嘢，過自己生活。」又透露稍後有新挑戰，正傾綜藝節目，但詳情未能透露。

問到馬國明年底結婚，可有聯絡她做兄弟，她笑謂：「冇理佢，暫時未收到幫手要求 ，亦未過問係咪做兄弟。」詩詠期待和毛毛合作拍戲，而早前齊拍廣告時，在毛毛身上獲益良多：「毛姐好專業，知拍美容廣告點擺甫士先靚，佢教我點擺嗰啲唔合乎人體結構嘅甫士，仲照顧埋攝影團隊，着住好高嘅高踭鞋，佢影咗過百張相都冇問題，好犀利。」

毛毛又謂不知詩詠已離開無綫，覺得向外闖是好事，教路謂演藝生活要不斷學習才會長久。她又謂近年不停被邀做母親的角色，雖然連飾演婆婆角色不介意，但她想挑戰角色：「可以繼續做媽媽，唔想淨係演慈母或喊苦喊忽嗰啲，想有啲唔同嘅。」