李元玲疑遇人口贩卖集团　被邀飞菲律宾酬劳任开？

马来西亚“钢琴女神”李元玲人靓身材正，佢嘅“钞能力”同样惊人，一直盛传含金锁匙出世嘅佢家住附升降机、近半亿万呎豪宅。成日同网民分享日常嘅佢，最近就自爆疑遭“人口贩卖集团”睇中，以工作为名嗌佢飞菲律宾出席活动，仲要酬劳任佢开，好在佢够机警，发现至少有四大漏洞。

李元玲公开该“工作邀请”嘅邮件内容，只见对方表示代表菲律宾一间酒店邀请佢参加盛大开幕仪式，想搵佢担任嘉宾及品牌代言人，除愿意详谈合作条款，又大方要求李元玲开出想要嘅价码。对此，佢表示收到呢封署名为“Bebe”嘅邮件，点睇都觉得漏洞百出，即列出4大疑点闹爆。

李元玲上网search到该酒店2004年就已经开幕，点可能到2023先筹划开幕仪式，又自嘲：“难道人口贩子是欺负我不会google？”李元玲仲直接询问酒店人事部经理，得知根本就冇“Bebe Yap”呢位职员，酒店近来亦冇发出邀请函，甚至冇举办开幕仪式。同时，李元玲质疑点解对方要翻译一篇中文信畀佢，反而一间“五星级酒店”写唔出正规英文。佢又疑惑对方真实身分：“为什么在写了‘Yours Sincerely’后，没有写下在酒店的职位身分，也没有留下任何的extention号码？”最令人奇怪嘅系，对方唔系用酒店官方帐号发出邮件，而系用私人帐号，令思路清晰嘅佢大胆向对方隔空喊话：“Bebe，我不是刚出来社会，我比你更老练，不要骗一个比你聪明的人，OK? ”仲用英文嘲讽对方：“如果是她发这封诈骗邮件，绝对会比人贩子做得更棒”