炎明熹認工作學業壓力大　叮囑粉絲關心身邊人

「聲夢人氣王」炎明熹(Gigi)工作不斷，剛剛升讀大學的她，早前又要為應付個人處女騷不停練習，工作、學業壓力有增無減。Gigi昨日於社交網貼文，與粉絲分享自己減壓心得，她寫道：「前排開咗我嘅個人演唱會，始終係第一次，心情真係緊張過考試呀！排舞練歌練體能，再加上要返學，老實講都幾忙㗎～不過都有比自己休息下。以前參賽嗰陣都試過，所以我對自己好有信心可以Handle到！嚟緊仲有其他工作同學業喺身，有時候一覺得壓力大，我就會搵少少時間發下佝瞀，放空腦袋，盡量咩都唔好諗，畀自己抖吓下，差充電先再繼續做嘢！不過呢個方法就未必人人都Work，如果你同我一樣都試過好攰想休息，又或者有其他情緒困擾，記得要為自己搵個紓壓方法，必要時記得搵專業人士協助啦！」她亦叮囑粉絲們，無論今日過成點，記得花少少時間去聆聽自己的内心感受，好好照顧自己及關心身邊有需要嘅人。」雖然年紀輕輕，要應付的事情比大人還要多，但思想清晰正面，看來大家也不用替她擔心。