張藝興進軍荷里活吸金　大連開騷門票火速售罄

內地男星張藝興之前主演嘅電影《孤注一擲》累積已錄得超過38億人民幣(約41億港元)票房，人氣旺盛。日前佢接受內地節目採訪時，大爆最近已經同荷里活經理人公司簽約，並着手開拓各項工作，作為演員嘅佢已經做好準備迎接新挑戰，佢表示:「我想成為一名能在中美文化之間架起橋樑的演員，希望《孤注一擲》在中國的成功是一個開始。」佢亦透露自己將會喺明年嘅新片《傳說》中同成龍演對手戲，該片係大家期待已久嘅2005年武俠冒險電影《神話》嘅續集。

另外，佢即將舉行2023「大航海‧無遠弗屆」巡迴演唱會，由10月28日大連站開始，之後11月會到南京、廣州、成都、重慶等地開唱。日前大連站門票開售，喺短時間內被搶購一空，相當誇張！