Edan半裸遭「鹹豬手」　多人包圍狂捽麒麟臂！

男子組合MIRROR 成員呂爵安（Edan) 早前完成一連三場在亞博舉行的演唱會，當時穿背心騷麒麟臂，晒出手臂「紋身」，昨日（21日）他在社交網貼出個唱絕密照 ，半裸上身的他由「專業捽紋身團隊」服侍捽手。他稱演唱會身上的紋身是印水紙，正常可以保持幾日，但由於又唱又跳爆汗，所以每日完騷紋身都會甩到「一忽忽」，故完show 都要抹走紋身第二日再黐過：「要完全捽甩但係極度困難，我之前沖涼自己捽係會捽到成隻手爆曬微絲血管紅鬼哂，所以，每晚完 show，我就會有呢班『專業捽紋身團隊』幫我用酒精逐啲逐啲捽走，然後先放我返酒店瞓覺，真係辛苦晒大家了。」他稱整紋身是花姐的提議：「睇嚟佢仲記得我《造星2》唱跳《Trap》話想做 Bad Boy。」最搞笑是，Edan在下腹加了emoji遮住自己的肚腩仔。