鄭嘉穎與「同性密友」情侶裝慶生　陳凱琳放手成全：真愛！

藝人鄭嘉穎同老婆陳凱琳（Grace）向來恩愛，不過原來鄭嘉穎有位「同性密友」地位隨時高過Grace，連Grace都要讓路，直呼2人先係真愛！其實呢位「同性密友」就係黃智賢，佢同鄭嘉穎一向老友，之前就試過喺未夾過嘅情況下撞衫，着晒情侶裝，搞到Grace慘變「第三者」。日前黃智賢生日，鄭嘉穎當然有為佢慶祝，仲再次着情侶裝，兼嘟嘴玩獻吻，搞到Grace都冇眼睇，笑指：「True love（真愛）！」只好「成全」。