巴黎鐵塔下放閃！靚湯調教有方　馬國明變最佳攝影師

藝人馬國明與湯洛雯（靚湯）早前到法國巴黎影婚紗相，順道於當地旅遊，靚湯今日再網晒蜜遊法國第二擊片段，今次2人於巴黎鐵塔前撐枱腳，歎海鮮大餐，又坐遊覽船去到鐵塔下，期間2人以鐵塔作背景，比出心心手勢，非常浪漫！上到酒店房，馬明繼續幫靚湯同鐵塔合照，有網民留意到馬明攝影技術高超，影相抑或拍片都一樣咁出色，拍得住專業攝影師，靚湯果然調教有方！