賈乃亮罕晒一家三口合照　孖前妻李小璐為女兒慶生

昨日內地女星章子怡與汪峰突然宣布結束8年婚姻，震驚網民，鬧得沸沸揚揚，而另一邊廂，早喺幾年前因爆出婚內出軌而離婚嘅藝人賈乃亮及李小璐就罕有喺社交網晒出一家三口溫馨合照。先係李小璐晒出女兒與夫婦2人以及一家三口嘅合照，並寫道：「時光荏苒，不變的是對甜馨的愛。」隨後賈乃亮亦分享咗全家福，寫道：「老爸希望你一直都是最快樂的公主，你是最棒的。」

原來昨日係女兒甜馨嘅生日，2人為佢舉辦生日會，相中3人都展露出幸福笑容。同框相一出，唔少網民都感慨到，好難得先見到佢哋一家三口同框，笑言感覺「恍如隔世」。