迪麗熱巴寫真玩百變造型　Deep V公主裙仙氣四溢

內地「新疆四美」之一迪麗熱巴近嚟工作應接不暇，早前參與嘅真人騷《花兒與少年》今日將會播出，時隔4年再次拍攝綜藝節目，網民都留言大表期待。日前，工作室釋出多張造型寫真，迪麗熱巴將唔同造型都呈現出唔同嘅美感，超高顏值更係令人嘆為觀止。

佢先係以一襲銀色鑽石閃閃連身裙亮相，搭配埋碎鑽耳飾，好似公主一般。而且Deep V嘅設計讓事業線若隱若現，佢又轉圈大擺甫士，猶如公主翩翩起舞，散發陣陣仙氣。之後佢換上紅色連身裙，襯得佢雪白美肌更顯眼，大騷性感鎖骨及嫩白香肩，對住鏡頭甜笑，展現優雅大氣嘅一面。最後佢轉行型格中性風，貼身小背心搭配灰色短褲及長筒皮靴，型格十足打扮加上高冷表情，吸睛度真係爆晒燈，造型獲網民一致好評。