樂宜沉澱一年唔怕黑再開美容院　講明揀拍檔要小心

藝人樂宜、何雙妍和關伊彤今日（25日）出席美容院開幕禮，作為該美容院股東之一的樂宜，早在去年7月曾跟「圈中人」及友人合資8位數，開設醫學美容院並擔任代言人，但開業不足半年已爆出金錢糾紛，並稱收到恐嚇電話而報警求助。她表示上次的事已經解決，發生事情後她亦沉澱休息了一年，才決定再接再厲，再次嘗試開設美容院：「經過上次件事我都有啲驚，所以我揀拍檔嘅時候特別小心。」又稱一直都希望能夠擁有自己的美容院：「我平時都會做下facial ，咁我依家自肥自己開咗一間，就可以一邊睇舖一邊做facial。」

除了要打理新店，她亦要同時兼顧DJ的工作，言通關後希望可以接多點音樂節的工作：「而且我之前停咗一年冇簽公司，依家轉咗新經理人公司，所以都想接吓電影，同埋拍綜藝節目。」透露對拍攝旅遊節目很感興趣。