謝金燕騷43吋大長腿惹轟動　網友激讚長過長頸鹿

台灣「電音女神」謝金燕出道逾30年，舞台魅力絲毫未減外，其精緻五官及火辣誘人嘅好身材，亦係絲毫唔見有歲月嘅痕迹，整體狀態更係猶如初出道般，魅力四射。而日前，謝金燕亦喺社交網晒出一系列着超短褲嘅性感靚相，一雙43吋筆直大長腿，更係瞬間掀起轟動，引嚟唔少網友激讚：「姐拍照零死角，太美了！」、「我們也想擁有和姐姐一樣的長腿！」外，仲有網友誇張讚道謝金燕雙腿比長頸鹿仲要長！事實上，謝金燕亦曾透露過佢嘅人生字典中冇「邋遢」兩個字，隨時隨地準備好就係佢嘅座右銘，唔怪得喺謝金燕身上完全冇歲月留低嘅痕迹啦！