32E林襄推出沉浸式寫真　360度零死角乜都睇晒

隨着台灣職棒賽季到尾聲，各球隊所屬嘅啦啦隊成員亦變得相對悠閒，其中台灣「樂天女孩」啦啦隊女神林襄，樣靚身材正嘅佢人氣高踞不下，日前仲乘勝追擊搶先推出全台首部沉浸式寫真，只要有部手機就可以打破時間及空間限制，同林襄360度零死角互動，聽落都期待呀！

對於首次拍攝沉浸式寫真嘅林襄，亦分享道：「最特別的地方就是在容積攝影棚中進行拍攝，面對360度共32支的攝錄機。寫真書多為平面拍攝，以前可能只要注意臉跟肢體動作，這次是全身上下都要，注意更多細節，拍攝前一周就開始，每天花了好幾個小時護膚、美白，全身上下連背部都有特別保養。」