何潤東孖韓國製作公司合作　陳柏霖郭雪芙再續前緣

台灣藝人陳柏霖及郭雪芙繼《正義的算法》後，再次同框出演嘅浪漫喜劇《不如海邊吹吹風》，並由金鐘獎導演何潤東執導，全劇融合咗台灣金門當地特色名人文風情，描述出專屬於台灣小人物嘅風土人情外，該劇更搵嚟韓劇《我們的藍調時光》、《海岸村恰恰恰》嘅製作公司，一齊合作，認真架勢。

而喺劇中飾演金門土生土長民宿管家嘅郭雪芙，雖喺林心如嘅真人騷中「實習」過，不過拍戲始終都有分別，劇中同外婆相依為命嘅佢，以將民宿起死回生為人生目標。對於同陳柏霖2度合作一事，郭雪芙則笑稱：「我們上一部劇是同行競爭的歡吞冤家，這次《不如海邊吹吹風》要演出深刻的愛情戲，我就是說服自己不是郭雪芙，全心全意投入在角色裏。」

至於本身就喺金門出世嘅王靜，則感動道：「這是第一部描寫金門風情的台灣影集，劇本裏細膩描寫金門人的生活形態，還有小人物的許多情感，希望可以讓大家看到不一樣的金門。」