林心如一家三口沖繩遊　激罕同框堆沙勁溫馨

台灣女星林心如同老公霍建華結婚7年，育有1女小海豚，而喺日前就有網友喺日本沖繩巧遇林心如一家三口，只見難得家庭遊嘅佢哋，3個人一齊排排坐堆沙嘅畫面相當溫馨外，亦有網友聲稱係舊相。

只見網友分享嘅相中，林心如身穿兩件式黑色長袖泳裝，雙手及短褲邊則係印滿碎花；6歲嘅小海豚則身穿紫色拼接湖水綠嘅泳裝；而霍建華則將Cap帽反戴，一家三口望落打扮雖然樸素，不過整體就樂也融融羨煞旁人。