陳凱琳孖粉絲聚會慶入行10周年　與鄭嘉穎深情對白翻Loop

前港姐冠軍陳凱琳（Grace）同老公鄭嘉穎出名係恩愛夫妻，婚後育有3個仔，一家五口幸福滿瀉！今年係Grace入行10周年，早前佢一班粉絲聚會慶祝粉絲會成立10周年，由於之前因疫情關係，粉絲同Grace幾年冇見，呢次難得相聚，粉絲們都紛紛賣口乖讚陳凱琳愈來愈靚，現場仲翻Loop陳凱琳同鄭嘉穎當年嘅深情對白添！

臨近萬聖節，現場有唔少萬聖節嘅裝飾，粉絲準備多個有陳凱琳中英文名字的彩色燈牌、代表愛嘅心形氣球、當然唔少蛋糕同小食啦！聚會上粉絲帶咗自己珍藏嘅陳凱琳相片，仲有陳凱琳相關報道刊物等，同大家分享，當中最受注目嘅係，現場播放陳凱琳同鄭嘉穎情侶檔演出嘅定情劇《殭》，鄭嘉穎於劇中含情脈脈望住陳凱琳話：「係你令我呢個人生不再孤單。」陳凱琳深情回應話：「去每一個地方，我都會喺你身邊。」真係閃爆全場呀！