秦嵐崩壞照流出　Model身材驚變「五短哈比人」

內地女星秦嵐樣貌及身材均保養得宜，完全睇唔出真實年齡，絕對係圈中數一數二嘅凍齡美魔女，不過呢日佢遇上「剋星」，竟然被拍下崩壞照，仲於網上流傳！秦嵐四肢纖瘦，加上擁有完美翹臀，比例適中，身形拍得住唔少Model，但新相卻見本身1米65嘅佢，忽然「矮」足6吋，突變1米5，驚現「五短身形」，加上大衣將其美腿完全遮蓋，真係名副其實「下半身失蹤」！其實照片係由與佢一同拍攝節目嘅另一女星辛芷蕾操刀，辛芷蕾仲搞笑指係秦嵐嘅問題：「下次走好點，我給你拍成一半八」。