為美國選美盛事任主持　余思霆回憶返晒嚟

前華姐冠軍余思霆早前返美國為《2023美國華裔小姐競選》任主持，適逢該選美會20周年，大會邀請過往得獎者現身參與盛事，場面盛大！

思霆接受東網訪問時，表示當年以17歲之齡參加選美，故今次重返舞台，可謂別有一番感覺：「上到個台度見到啲佳麗，好似見番當年嘅自己咁，好奇妙，今次真係好榮幸有份參與其中，大會見我依家喺香港發展有少少成績都好開心，希望之後再有機會返去。」而忙於深圳拍攝無綫新劇《企業強人》我她，透露現時香港、深圳兩邊走，非常充實，至於有份演出的台劇《美食無間》將於串流平台播出，令其高興不已：「好開心咁快有得播，劇入面我演殺手，雖然戲份唔重，但角色同自己真實性格反差大，都幾有挑戰性。」