陳凱詠消失一年話冇流失歌迷　自資出歌睇餸食飯

歌手陳凱詠（Jace）今日（30日）到新城電台宣傳新歌《練功》，與環球唱片完約後自組公司重返樂壇的她，一口氣推出5首新作，被問到消失近一年加上沒有大公司宣傳有否流失歌迷？Jace表示現今世代粉絲都習慣於互聯網關注偶像：「你個人喺度見到你就會搵到你，暫時覺得係冇流失嘅，希望有增長啦。」她指今次曲風與以往不同，加上剛重返樂壇，故再需要時間觀察歌迷反應。談到她現時以自資方式經營，MV製作成本會否比較「揸得緊」？她笑言自己於數字上比較弱，會盡量「睇餸食飯」：「想個作品好，對自己作品有信心的話要做嘅就做咗先，都會勒住盡量唔Over budget。（之前搵落，使緊面嗰浸？）冰山一角啫，哈哈！講笑。」

談到她早前與導演男友陳健朗分手，她表示若劇本合適不介意與對方合作，又指想試做打女，問到對方下星期生日會否替他慶祝？她即轉話風叫大家留意她的新歌，又笑言自己爸爸也快將生日，工作忙碌的她表示：「係都同阿爸慶祝先！」