披荊斬棘3︱林志穎大仔Jenson心有所屬　唯愛呢2位哥哥

有住「不老男神」美名嘅台灣藝人林志穎，喺內地真人騷《披荊斬棘3》表現亮眼之餘，人氣更係遠高於其他哥哥。雖然林志穎喺節目圈粉無數，不過大仔Jenson似乎就心有所屬，喺日前播出嘅花絮中，只見同林志穎傾偈嘅Jenson，期間竟然不斷問：「李玖哲大概幾點回來？想要跟他聊一下……」而林志穎則應道：「如果待會看到他，你還沒睡就再打給你。」之後Jenson又再追問：「羅傑夫甚麼時候回來？」對此，林志穎亦回應道：「待會吧～待會才回來。」正當林志穎逐漸陷入尷尬之際，張遠亦啱啱好經過，林志穎更即興問仔仔：「我考你這是誰？」未料場面突然安靜之餘，即使畀林志穎多次提醒，仔仔Jenson都仲係估唔到張遠嘅名，最後林志穎無奈公布答案外，更搞笑咁叫仔仔重溫十次節目。