林秀怡同男友冇7年之癢　有「意外」會奉子成婚

藝人林秀怡、阮浩棕、力臻等晚上（1日）出席動畫首映。林秀怡與男友阿政一齊睇首映，講到她在主持的《獎門人》中不時「飛擒大咬」嘉賓，男友可有投訴？她笑說：「佢有睇，意見都好正面，笑吓我肥、塊面好大咁，佢都知我主持《獎門人》壓力好大，所以見我有啲表現已經好開心，其實我都係做番自己，平時都係咁，哈哈。」

林秀怡與男友拍拖7年還未結婚，今年更要面對7年之癢，她笑說：「我都驚呀，我就唔痕嘅，蘇民峰師傅話如果今年唔結婚就要再等多幾庠。（結婚仲欠咩？）大家事業仲努力拚搏緊，想拚搏多幾年先。（有意外會唔會快啲結婚？）如果有意外會提早，但係都做足安全措施。」她笑言好似是公開催婚，但坦言也擔心變成高齡產婦，但沒有雪卵的打算，因最怕打針。