蘇慧倫孖任賢齊同框　P圖太重手驚變蛇精組合

台灣「凍齡女神」蘇慧倫，出道逾30年間有着唔少代表金曲，而日前受邀上訪談節目嘅佢，更難得遇到老朋友任賢齊之餘，仲喺社交網開心晒出2人嘅合照，只見明明2個年過50嘅人，皮膚仍然水亮透哲之餘，就連少少嘅皺紋都冇，驟眼望落似足18歲學生仔。

只見2人唔止「回春有術」，相中嘅任賢齊仲變成有住水汪汪大眼嘅「撕漫男」，至於變成「瓜子臉」嘅蘇慧倫亦寫道：「好久不見！我們都變了～OK？OK！」而2人無偶包嘅搞笑合照，亦引嚟唔少網友留言：「變得更可愛了喔！」、「美肌開太大了！」、「有耶！兩個都變了，頭歪好多！」、「這美顏太魔性！」、「蛇精臉老大～可愛。」、「變外星生物！」、「瞬間回到20歲！」