張寶兒即將缷貨　袁偉豪感動落淚：我好開心

藝人張寶兒還有兩星期便「卸貨」，日前他與老公袁偉豪(Ben)齊齊拍片，大談懷孕間不同時期的心境及體會。寶兒指3個孕期狀態都很好，沒有嘔吐，胃口也不俗，但就遭Ben爆她:「成日放屁囉！長期係咁做小號手！」寶兒即謂:「呢個唔受我控制，咁佢係咁撐我嘛！」寶兒問Ben覺得這幾個月自己有否改變時，Ben:「首先我個磅數輕咗啦！可能要開兩套劇，要好好Keep好狀態，我嘅心情係每日都好靚，感受到好美好，好感恩、好有恩典咁！我唔再感覺到有負能量喺我嘅生活入面。」

寶兒即指自己懷孕後亦開心了很多，Ben突然感動謂:「我個鼻好酸！啲人話太太懷孕會好情緒化，但原來情緒化嗰個係我！」之後他更忍不住邊抹眼淚邊謂:「人生行到嚟呢一步，夫復何求，我會學識唔會刻意隱藏我嘅喜悅，或者我唔開心嘅嘢，會搵辦法釋放出嚟，我覺得呢個係非常我嘅禮物，事業係我嘅一切，依家屋企先係我嘅一切，經歷咗咁多嘢到依家要迎接一個小生命嘅時候，我覺得係我Feel到自己已踏入人生另一個階段，我好開心！」