浸大E神自爆壓力爆煲　計劃停工暫休唔教瑜伽

浸大E神楊焉（Carol，原名楊梓瑤）2014年淡出幕前轉做瑜伽導師，2017開設瑜伽中心至今，2021年她誕下一子榮升靚媽，復原後立即繼續教班，不過昨日（3日）她在社交網post文表示感到累和孤獨，好想休息，暗示將工作暫停，她表示：「唔知從咩時候唔想睇Message，唔想聽電話，唔聽拆信唔想Post社交網，唔想返去見到啲污糟毛巾周圍放，唔想見到有人整污糟個廁所又或者塞咗。唔想見到洗手盆又唔知邊度漏水，經常諗會唔會有人Cancel堂我唔使返去。」

她表示經歷疫情，為保住Studio花盡積蓄，但她不滿樓上樓下食煙及壞𨋢問題，一直無改善，但業主還想加租，Carol表示：「其寶我很累了⋯好想休息一下⋯好想試吓做一隻冇腳嘅雀仔唔使理咁多瑣碎嘅事。由2017年至今六年時間，其實我經常感到很孤獨、很沉重，請容許我休息後再回來。」