賭王最索外孫女何鍶珩蒲老蘭　戰鬥格上陣極養眼

有賭王「最索外孫女」之稱的何鍶珩（Beatrice）同胞妹何倩珩（Gillian）一直定居美國，早前佢返港出騷，趁機約埋班親朋好友聚會，佢大晒同「阿姨」賭王四房孻女何超欣去蘭桂坊夜蒲嘅相，以低胸露肩裝戰鬥格上陣嘅佢，玩到興起仲同女友人貼身自拍，相當養眼！

而佢亦有晒何超欣拎住把扇遮面嘅相，把扇寫上「RUMORS（謠言）」字眼，簡單留言話「IYKYK」，即係「If You Know, You Know（如果你知道，你就知道）。」雖然未知佢有咩暗示，但係睇見佢飲到面紅紅，應該玩得好盡興啦！