曹格前妻吳速玲搭的士受委屈　司機變臉快過火箭

歌手曹格同吳速玲去年底宣布結束14年婚姻，而回復單身後嘅吳速玲享受單身生活之餘，亦積極投入事業。而不時都會喺社交網分享生活點滴嘅吳速玲，亦透露自己最近去咗馬祖旅行，未料搭的士回程時竟然因為細心指路，畀司機寸：「我又不是郵差，講那麼多！」令佢無奈甫上文問網友：「如果你是我怎麼回？」

日前去咗馬祖旅行嘅吳速玲，並喺松山機場搭的士返屋企，而喺即將抵達目的地時，司機則主動問道：「哪裏要轉？」佢亦順口應道：「看到100巷右轉、右手邊大門口停，謝謝。」未料對方態度突變，用勁差又唔耐煩嘅語氣應道：「我又不是郵差，講那麼多！」雖然對方語氣不善，不過吳速玲都繼續保持禮貌道：「我當然知道你不是郵差～不然我要怎麼回答你的問題？」點知司機竟然繼續呻：「呀！快到再講呀！我是郵差！我還要是這一區的郵差欸……」莫名奇妙飽受委屈嘅經歷，令吳速玲忍唔住喺社交網問網友：「如果你是我會怎麼回？」