李璨琛细女Sucy头发少造型多　戴冷帽变身大头青蛙

艺人李璨琛与太太梁志莹（Sophia）育有两名女儿，大女李元元（Lucy）及细女李斐斐（Sucy）可爱嘅样子都成功俘虏咗一大班粉丝嘅心。细女Sucy因为头发仲少，经常畀妈咪打扮成唔同造型示人，模样相当得意。

近日天气开始转冻，Lucy妈再有新搞作，将Sucy打扮成小青蛙，同家姐Lucy一齐出街游玩。Lucy妈喺社交网分享咗佢哋两个嘅相，相中Sucy戴着一顶青蛙造型嘅冷帽坐喺BB车，眼仔睩睩好得意，不过化身小青蛙嘅Sucy戴上冷帽后个头大咗一倍，连Lucy妈都忍唔住笑佢人仔细细头大大。之后Lucy妈又帮Sucy戴上头巾，化成印度阿妹，唔少网民都留言指Sucy愈嚟愈似家姐。虽然Sucy依家头发少，但都可以梳出造型，Lucy妈就搵咗啲Cream 帮佢整返个中分头，妈咪仲笑佢好似汉奸，认真搞笑。