周杰倫不滿老婆影相技術　昆凌即讚老公「帥到模糊」呵番

台灣天王周杰倫與老婆昆凌自2014年結婚後育有2女1子，一家五口幸福生活羡煞旁人。近日周杰倫拍攝真人騷《周遊記》，佢喺社交網分享與朋友嘅合照，但照片中因為光影嘅問題，佢嘅臉上布滿白色光點。喺相片中佢仲標註咗老婆昆凌，隨後昆凌亦轉發老公嘅貼文並寫道：「帥到模糊不覺得嗎?」睇嚟張相係出自昆凌之手，夫妻2人公然喺社交平台打情罵俏，即時惹嚟網民熱議，紛紛大呼「好甜」。

雖然夫妻2人結婚多年，但依然非常恩愛，成日都喺社交網放閃。早前昆凌30歲生日，2人就二人世界去到海島慶祝，周杰倫仲分享2人甜蜜合照，認真係幸福滿瀉。見到夫妻2人如此甜蜜，唔少網民都表示「身為你太太應該三輩子都會幸福快樂」、「嫉妒了」、「人生勝利組」。