自己打自己！兩劇同時開播惹不滿　白鹿即發文慰粉絲

內地人氣女星白鹿與王鶴棣主演嘅愛情劇《以愛為營》喺早前正式開播，開播以嚟話題熱度不斷，吸引唔少觀眾收看。而昨日白鹿與張凌赫傳出假戲真做嘅古裝劇《寧安如夢》突然開播，出現自己打自己嘅局面。巧合嘅係張凌赫之前亦有份出演《蒼蘭訣》嘅長珩仙君一角而備受網民喜愛，因此唔少網民都表示呢兩套劇主角之間都有關聯。

對於《寧安如夢》一劇突然播出，唔少白鹿粉絲都表示不滿，為此白鹿喺社交網發文安撫粉絲：「這是鄭書意和姜雪寧與觀眾之間的緣分，緣分到了，兩個人就一起出現在了大家面前。希望鄭書意能給大家帶去正能量和快樂，也希望姜雪寧的不屈能感染到你們。」又表示自己作為，演員仲有好長嘅路要走，自己亦會用心演好每個角色，從言語中透露自己都與大家一樣對於呢個情況感到突然。